吳浩康笑洪卓立：佢衰靚仔！

吳浩康（Deep）昨日到電台宣傳新歌《那怕最終一個人》，忙於籌備十月與洪卓立（Ken）演唱會的他說：「好多人會以為呢個表演係『被安排』，其實係公司同事聽太多我想同洪卓立合作聽到煩。」他坦言兩人私下很老友，有傾心底話、愛情煩惱等問題，他透露演唱會將交換唱對方的歌，以戲劇形式串連成故事，他心中已有歌單，但Ken遲遲未有，他笑說：「我向佢推薦都聽唔入耳，有啲嬲呀！」他不怕兩方粉絲掀對立：「我都係洪卓立歌迷，佢只係衰靚仔，如果佢戴起個豬頭出街，佢嘅音樂會更突出！」