麥芷誼煲木瓜雪耳糖水輕鬆進補
影壇新星麥芷誼年紀輕輕，揸刀切食材有板有眼，今次在東網巨星節目《星級煮意》大顯身手，教煮簡易「木瓜雪耳南北杏糖水」，半小時就可以煲出平價又滋潤補品！
《星級煮意》廣邀一眾影視紅星、名人及歌手親自下廚，超過七十人教授不同菜式，今集的麥芷誼（Koyi）曾為電影全裸演出，膽識過人，入到廚房亦一樣勇往直前，更明白「女人唔補好易老」的道理，識得煲糖水進補。
價廉又養顏
獨居的Koyi直言煮一人分量飯餸難度甚高，經常有食材剩下，故下廚的菜式以簡單為主，她說：「我好鍾意食甜嘢，今次教大家整嘅糖水，易整之餘又方便快捷，材料又唔易變壞。」此款糖水用的雪耳是民間燕窩，價錢平、養顏潤喉，她說：「我自己就唔會落太多冰糖，呢款糖水一年四季都好啱飲，就算唔識煮嘢食都一定搞得掂！」
Koyi自小愛下廚焗蛋糕仔、曲奇餅，常搵弟弟做白老鼠，長大後亦曾為男友煮飯仔慶生，她說：「前菜、湯、意粉連埋Tiramisu蛋糕，一手一腳搞掂晒，當時男友大讚o架，我自己都有食，覺得唔差！」
翠翠提議用黃耳
煮食經驗豐富的港姐葉翠翠，覺得Koyi示範的「木瓜雪耳南北杏糖水」合都市人，如果孕婦都想食，可以將具有毒性的北杏剔走，又可以用黃耳代替雪耳，女士們不想用糖的話，可以用紅棗、南棗或圓肉代替。想知Koyi如何半小時內煲好滋補糖水？葉翠翠仲有咩煲糖水貼士？記得Mark實東網App及東網網頁，隨時隨地免費收看及重溫《星級煮意》。
材料
木瓜、雪耳、南北杏、冰糖
https://bit.ly/2MY2QpX