許靖韻四女共浴坦蕩蕩睇晒
25歲歌手許靖韻（Angela）憑內地選秀節目人氣急升，於兩岸打開知名度，其具爆發力的唱功更令觀眾留下深刻印象！她自爆比賽期間長時間接受「軍訓」與世隔絕，幾個女仔坦蕩蕩相對，弄得就算身邊有追求者，也不習慣出街拍拖呢！
講到比賽期間的難忘事，Angela怕醜透露曾與同房女仔「肉帛相見」：「4個人一間房，我哋唔會鎖廁所門，有一晚練到凌晨5點，大家都好攰，就一齊沖涼。」她亦「點名」沒收電話三個月一事，打趣說：「由第一日開始收電話至完咗成個比賽，一開頭覺得好慘、好唔慣，同外界斷絕音信，但後尾覺得都OK，最好笑係我哋會成日借化妝師嘅電話用。」
國語歌跑江湖
自嘲沒有舞蹈底子的Angela，有做賽後檢討，回港後仍有繼續學跳舞，憶述初期比賽階段要三日記熟一首快歌舞步，令她好崩潰：「對住鏡頭跳好怯，但去到尾二有場要跳隻難度高啲嘅舞，就克服咗，希望可以出跳舞歌。」可有受節目帶挈而工作量大增？她表示不清楚，但若然有表演機會也定必會捉緊，又透露最近創作了一首國語歌快將派台：「一路都冇國語歌，想試吓，想知道大家聽完有咩反應，而廣東歌都會有，但就未知幾時。」
喜獲家人支持
一直為夢想打拚的Angela，喜獲家人最無限量的支持、鼓勵：「要好好多謝佢哋支持咗我25年，希望之後自己更加努力，畀佢哋更加好嘅生活！」愛情方面，聲稱單身的她笑言媽媽沒有催促：「佢話依家女性都唔會咁早結婚，到拍拖嘅時候就會有人追，唔使擔心，自己都有諗過30歲頭結婚，但一定要搵個啱嘅人。」現時身邊可有追求者？她坦言有，不過就沒時間去結識和相處：「參加完個比賽好似畀人困慣咁，少咗出街，都要試過先知啱唔啱。」
髮型：Veron@Hair Corner
化妝：Khaki Yan
服裝：Margarin fingers