The Boogie Playboys重本搞Band房
樂隊The Boogie Playboys每次演出都以50年代Rockabilly Band打扮現身，單是準備服飾都大費周章。提到佔地三千多呎的Band房，他們表示該處錄音室與製作公司用途兼備，又售賣Rockabilly服裝，更有個美式用餐角落：「我哋上年第一次去美國，頭四日餐餐都去食50年代嘅American Dinner，食到好Dry，但好鍾意個氛圍，依家喺呢個角落食飯盒都高興！」他們揼本打造Band房，成員Barry透露單是錄音裝置的費用都儲了十多年，斥資過百萬：「呢個文化喺香港唔係咁多人認識，想推廣多啲，加上自己鍾意，唔係想賺錢。」
