余潔滢自認雙面人上台唔知醜

笑容甜美的Zoe自小已充滿表演欲，加上受家姐影響，令她萌生入行的念頭，她說：「嗰陣我讀緊中學，見到家姐有好多唔同造型嘅廣告，加上見佢之後又可以拍劇，令我發現原來做Model唔係淨係影相，仲可以做戲，嗰陣我又喺學校玩Drama，所以對演戲都有興趣，想試吓入行。」

享受舞台釋放真我

外表文靜的她不似姐姐活潑好動，但自爆是「雙面人」，台上的她才是真正的自己：「平時嘅我好慢熱，但一上到台跳舞唱歌就變得好大膽，好似變咗另一個人，連家姐同媽咪都話喺台上嗰個我好唔同，感覺好有活力。其實我本身鍾意表演，覺得要透過表演先表現到真正嘅自己。」

愛下廚整甜品

初踏足娛圈的她近日為無綫節目《美女廚房》擔任美女學徒，坦言起初拍攝時非常緊張，不懂如何在鏡頭前對答，以及與一班新相識的美女學徒相處，幸而獲姐姐提供意見，叮囑她不必緊張，要勇於表達自己，加上其他學徒年紀相若，不乏共同話題，所以拍攝時相處愉快，似足一家人！此外，Zoe原來是甜品高手：「我以前好鍾意整甜品，整過心太軟、黑森林蛋糕送畀朋友，近日亦有試吓煮西餐意粉，自己好鍾意煮嘢食。」

余香凝得到不少演出機會，令Zoe對娛樂圈產生興趣。	余潔滢擔任美女學徒，人氣急升！	鏡頭後的余潔滢較為慢熱。

服裝：tout a coup @ithk

髮型：Torres pang @ii hair and nail

場地：Flex Studio