張敬軒撐工藤佑采黑面有型
歌手張敬軒日前將自己的社交網頭像換上落選港姐工藤佑采，昨日他在活動上大讚對方美貌與智慧並重，覺得她黑面只是Cool的表現，力撐每個人都有黑面的權利。
張敬軒與陳法拉昨日出席活動，提到軒仔的社交網換上工藤佑采的頭像，他表示：「我睇咗佢嘅選美片段，覺得佢都採取幾配合嘅狀態。啲人話佢黑面，我唔係咁理解，佢係無論咩處境都Be Cool，要Chok同有型。假設佢真係黑面，人係有黑面嘅權利。有時工作過程中遇到唔開心嘅嘢，為咗顧全大局都要做，咁就黑住面去做囉，都幾好。（欣賞佢黑面？）幾有型。」
盼合作拍片
他表示工藤佑采雖然未能當選，但風頭勁過三甲，大讚對方靚女，對答有智慧，不會隨波逐流，笑言在對方身上看到自己的影子：「佢表演跳舞係慢咗一拍，同我排演唱會跳舞時好相似，感同身受，搵到共鳴。」他覺得對方應該幾玩得，想合作拍片，不介意在社交平台結交多一個朋友。
嫌男友影相差
至於早前在社交網上載側面泳衣照的法拉，承諾下次分享正面相，並自爆相片由男友操刀，卻嫌對方攝影技術麻麻：「要同佢慢慢溝通，始終佢唔係做呢行，悟性係差啲，冇乜藝術角度。」
