嘉穎請女食飯陳凱琳：冇問題

藝人陳凱琳（Grace）前晚聯同歌手謝安琪（Kay）等出席護膚品牌活動，被問是否賺了不少？Grace笑言：「今次之後暫時冇活動，會休息吓，同埋感冒唔舒服。（老公鄭嘉穎有冇照顧你？）佢有叫我抖吓、飲多啲水，好細心。（有冇叫你唔使做？）佢都尊重我工作。」講到嘉穎前緋聞女友佘詩曼要他請食飯賀新婚之喜，Grace坦言冇問題，並多謝她的祝賀，更有留意她於劇集《延禧攻略》的演出：「喺公司有見過，我未同佢單獨傾過偈，活動上都未碰過面。（有冇睇《延》劇？）梗係有，佢太好戲，超班演出，我朋友個個都講呢個話題。」