趙頌茹神經痛自我催眠

藝人趙頌茹（Yu）與楊玉梅昨日出席美容院剪綵活動，齊齊騷腿。阿Yu透露細女升小一，緊張到神經痛：「有壓力就會咁，同自己講『冇嘢嘅、冇嘢嘅』就好番。」記者追問前夫周永恒近日哭求原諒，她是否都「冇嘢」？她無奈指不願再談，亦沒有與對方聯絡：「佢哋都係同你哋（傳媒）溝通多啲。（覺得佢炒新聞？）唔可以咁講。」問到會否原諒對方？她先以「答過」避談，思考幾秒後再「兜圈」：「我信耶穌嘅，信仰都係話認罪、悔改，自己都學習緊，總之就祝福佢哋。」