乜都試勻晒關之琳慶生勁頭痕

藝人關之琳昨晚出席時裝品牌MOISELLE「STOP THE AIR TRAFFIC」時裝展，9月踏入56歲的她，坦言未想到如何慶祝：「未諗呀，低調搞生日又試過，同一班朋友熱鬧又試過，同朋友飛去外地旅行又試過，但最重要係同朋友一齊就OK o架啦！」而講到今季創作意念，她表示會加入格仔及波點等元素：「今季有好多Colourful嘅顏色，靈感來自平時着衫，今季有好多滑雪嘅褸。今日喺呢度搞時裝展感覺好神秘，因為唔可以用咁多燈。」
關之琳（中）與陳欽杰一家四口合照。
關之琳（中）與陳欽杰一家四口合照。

同場的何嘉莉透露整個暑假都忙於照顧家中兩個小朋友，問到是否很吃力？她說：「都可以，只不過兩個不同年紀，有不同需要，時間上難分配。（放棄工作做全職母親？）依家都只係做吓KOL工作。」

關心妍率先穿秋冬裝亮相。
  • 關心妍率先穿秋冬裝亮相。
何嘉莉暑假忙住湊仔。
  • 何嘉莉暑假忙住湊仔。