生日飯局講煲劇 諸葛感慨「皇后」遭背叛
剛與兒子從外地返港的名媛諸葛紫岐（Marie），其主理的星韜娛樂旗下藝人黎美言、呂晶晶、黃倩婷等前日為她搞飯局補祝生日，有趣的是飯局竟變為煲劇論壇熱討《延禧攻略》！
Marie接受本報訪問，直言非常欣賞「富察皇后」秦嵐的演技，對箇中情節有所感慨，她說：「最深刻係皇后自殺嗰場，臨死前佢話天性不愛拘束，偏偏做咗皇后，亦都貪戀兒女情長等，佢一生都係做大好人，但往往係成全人哋，難為咗自己，仲要面對咁多背叛同人心險惡。呢場戲睇完個心好噏，其實做人唔需要逼自己，只要善良，隨心而行。」
對於生日願望，Marie直言健康是最緊要外，更大爆老公薛嘉麟的骨痹金句，她說：「如果冇健康，要乜都冇用！（老公送咩畀你？）佢話今年嘅生日禮物就係將佢自己送畀我。我反問佢：『咁之前呢？』佢話未係全部，依家先至係全部！我暈！哈哈！」