譚小環靠MK仔造勢

藝人譚小環與老公蔡強榮,昨日到九龍灣為小食店新分店舉行開業活動,小環透露請了吳志雄拍攝網上廣告:「講MK仔七大件事,有睇過《古惑仔》嘅人都會好有感受。佢好有MK Feel,我20年前同佢合作過。(唔搵鄭伊健?)我都想,但小店預算有限。」並透露九龍灣及東涌新店與人夾份投資達7位數,下個目標是開冰室。

講到當年CD的雀籠造型,她笑言有很多人提起:「大家反應咁熱烈,我都唔介意畀人笑吓。呢個設計其實行先咗10年,啲人初時問我做乜困住自己,10年後就好多人抄我!如果大家想聽我啲歌、睇我唱片造型,就可能要喺冰室喇!」