顏仟汶追熱潮扮貴妃

藝人顏仟汶及仙樂都(YoYo)等前晚收起性感,穿清朝宮廷服為楊峰慶祝生日。仟汶緊貼《延禧攻略》熱潮,花了四位數上網置裝扮「高貴妃」,她笑說:「最頭痕係要掹幼條眉,因為我眉粗,唔啱宮廷Look。(恨拍古裝戲?)咩裝都想拍,剛剛拍完一部網絡電影,係演妓寨媽媽生,一身造型都好靚,但畀人投訴頭髮太短,剷晒青咁難Set頭,要靠佢哋嘅專業去僭建!」同場的YoYo則不太滿意自己的造型:「我着起古裝都唔似中國人,我應該扮番邦公主。」

另外,顏仟汶昨日上載一張塌樹相片,表示險被擊中:「腳都仲未軟完,睇住佢落地,轉彎就到家,好彩落雨揸得慢,驚驚!」