甄詠珊百厭「餅餅」虛張聲「噬」
藝人甄詠珊是愛貓之人，養有3隻貓超過10年，最近再添新成員「餅餅」。她帶同新歡舊愛齊齊亮相東網巨星節目《巨星Pet Pet》，大爆「餅餅」鬧出不少笑料，為家中帶來無限歡樂。
甄詠珊憑劇集《果欄中的江湖大嫂》單親媽媽「惡人菊」一角彈起，現實中亦悉心照顧四隻貓仔貓女，包括「旺仔」、「牛奶」、「糖糖」及「餅餅」。提到貓貓名字由來，她表示與喜愛的食物有關：「我好鍾意食一隻牌子嘅牛奶糖，所以初初養呢三隻貓時，就將個牌子名拆開，變成佢哋三個嘅名，到有新成員加入，就因為『牛奶餅』嘅關係，索性叫佢做『餅餅』。」
嗌痛即鬆口
「餅餅」可能因未習慣新環境，經常精神緊張。她說：「唔知係咪初來甫到未適應，『餅餅』成日都好曳o架，最鍾意就係咬人，我平時摸佢嗰陣都會咬我手指，但就唔係好痛嘅，不過每次我一嗌，佢以為整痛我就會即刻鬆口唔咬。雖然佢好百厭，但其實都好錫住我嘅。」她又展示多段「餅餅」與其他三隻貓貓的相處片段，三隻貓哥貓姐對「餅餅」特別關注，有新成員令氣氛變得更熱鬧：「希望佢可以喺度健健康康、開開心心咁生活落去啦。」
翻版惡人菊
甄詠珊四隻貓貓分別是10歲唐貓「旺仔」、10歲唐貓「牛奶」、10歲美國短毛貓「糖糖」及歲半唐貓「餅餅」，「餅餅」雖然年紀最輕，但係就最惡最霸道，儼如翻版「惡人菊」！不過百厭性格鬧出笑話，深受主人喜愛。
《巨星Pet Pet》每集請來不同名人紅星，葉翠翠、楊秀惠及張秀文等先後擔任嘉賓，為大家介紹星級萌寵，包括貓、狗、鸚鵡及烏龜等，其他藝人及寵物將陸續登場！節目透過東網App及東網網頁播放，大家可隨時隨地免費收看及重溫。
https://bit.ly/2Nt4Wv0