黎瑞恩瞞父母去「滾」
歌手黎瑞恩和人夫孫耀威早前組成「大滾友俱樂部」，齊齊玩滾軸溜冰。前日她受訪時，表示求學時做「滾友」全因愛上速度感，但當年滾軸溜冰場品流複雜，故曾為此向父母講大話：「因為玩時整傷咗兩次，但又怕父母唔畀玩，所以呃咗佢哋，話自己畀的士門整傷，後尾父母跟蹤我先穿煲，嗰次之後就冇玩。」
此外，她將於本周六再為HiFi碟舉行第二場簽唱會，稱在港錄音時，因錄音室樓底太低令她「有啲嘢」感不安，故一行人飛往泰國Resort式錄音室錄歌，她說：「我錄音時，工作人員就去出面個泳池『攤屍』曬太陽。」
