彭于晏晒股衛詩雅落足眼力

彭于晏表明恨拍拖，但擇偶條件以感覺行先。

Eddie前晚專程來港出席主演的英皇電影《邪不壓正》首映，電影公司老闆楊受成及旗下群星包括陳家樂、衛詩雅及吳浩康等現身撐場。36歲的Eddie早前被拍得與片中拍檔、49歲女星許晴約會，因而傳出緋聞，不過他受訪時斬釘截鐵否認：「不可能，只是宣傳照片，網上不在乎真實。（因為年紀問題？）沒有就是沒有，我們是很好的朋友。（揀對象視乎年齡嗎？）不知道，看感覺吧！（想拍拖？）一直都想，看感覺有沒有合適的。（你很挑？）還好吧！（要甚麼條件？）沒甚麼，接受我就行，談得來就行。」

陳家樂做媒人

力證自己單身的Eddie則獲當年《破風》拍檔陳家樂「當媒」，拉攏他與衛詩雅，相當搞笑！詩雅向記者自爆：「其實家樂頭先都有問我鍾唔鍾意佢、使唔使介紹，相信都冇咩女仔唔鍾意。」家樂笑說﹕「聽講Eddie戲裏面有背面全裸，我以為佢只練上身，今次要落足眼力睇嘞，呢啲啱詩雅睇。（願意好似佢咁全裸演出？）為角色都可以嘅，但冇佢咁『優質股』喎。」詩雅接口：「咁我都會睇吓！（有迷開佢騷肌？）都有，覺得佢係好認真嘅演員，每次都準備得好好。」

衛詩雅笑陳家樂全身綠色似棵蔥。	英皇群星傾巢而出，場面熱鬧。	彭于晏斬釘截鐵否認與許晴的姊弟戀。

黐車坐要夾錢

此外，詩雅公然向家樂追數：「佢頭先話接我，但原來係叫我幫佢畀隧道費，佢話我搭的士都要百幾蚊，依家畀70蚊隧道費抵咗喎。其實佢仲爭我500蚊，都係啲八達通增值。」家樂即謂：「我之後仲會車佢返屋企，本來諗住還o架喇，但佢頭先笑我全身綠色似棵蔥，鬼叫佢激嬲我，唔還錢住。」