李思欣晒湯碗胸驚老公反枱

藝人李思欣昨日身穿腰側透視的谷胸晚裝，為醫學美容中心拍廣告。第二年擔任代言人的她坦言酬勞有少少加碼，問到老公范振鋒知否造型如此性感？她笑說：「冇呀！頭先佢話嚟探班我唔畀，佢平時唔畀我性感，陣間返屋企都驚驚哋畀佢鬧！試過有次一齊出活動，佢真係叫我即刻換番條裙，唔係同佢我就可以走盞啲。（你好就佢？）OK嘅，結婚都要尊重另一半。（咁佢聽唔聽你話？）一時時，佢大男人，有自己一套，但都錫我嘅。」又指去年其中一個造型是泳衣，老公即下令拒讓其他人來探班：「只可以做嘢影或佢私下影就OK。」笑指他覺得潛水衣及樽領晚裝才是最靚。