Celia K.初生女兒疑遭刮傷：醫院一句對唔住都冇

上周三誕下女兒Lia的模特兒郭穎兒（Celia K.），昨日自爆母女出院時，發現女兒面上驚現長達2.5厘米的血痕，護士聲稱是BB的指甲刮傷所致。她接受本報電話訪問時，數度泣不成聲，強調公開女兒受傷，只想要求有交代，並非索償：「個傷口又長又深又粗，見到有花士令撻咗落個傷口度，仲要係化化哋、滲緊血！醫院一句對唔住都冇，連教我哋點樣護理傷口都冇！初生BB指甲又細粒又軟，點會刮到咁？我好心痛，佢啱啱出世，冇必要承受呢啲痛楚！我唔係要賠償，係要有個交待，唔係一句對唔住都冇，推卻責任！」