以「電眼」出名的型男梁朝偉最近拍攝一條短片宣傳其新戲《歐洲攻略》，當中出動電眼冧觀眾，向鏡頭大拋媚眼，眼神超有戲。飾演特工的偉仔形容角色性格嬉皮笑臉、聰明伶俐兼身手敏捷，問到自己跟角色最相似的地方？他笑言：「我哋都係古靈精怪、身手敏捷同埋係善良嘅人，但我就冇角色咁姿整同咁麻煩！」