賭王何鴻燊胞妹十姑娘何婉琪被爆6月5日已病逝，其長女麥慧貞經歷喪母之痛後，昨日再收到消息，指遺體原來已於本月16日進行火化。曾期望見母親最後一面的她，失落地說：「我查到媽媽16日已經火化咗，好肯定，好失望，媽媽喺社會上係有貢獻嘅人，喺澳門做好多慈善，估唔到就咁燒咗，咁做，當所有何家人都冇到。」她知道骨灰仍未上位，打算待骨灰上位後就帶祭品往拜祭：「燒多啲錢畀佢。不過都應該戥媽媽開心，終於甩難解脫，咁多年，乜債（兒女債）都還晒！」