羅霖為閒言痛哭：好對阿媽唔住！

早前入院切除大腿內側粉瘤的羅霖昨日53歲生日，日前獲好友及幼子Jonathan搞慶生派對預祝，昨日她接受本報電話訪問時，氣若游絲的表示生日願望是身體健康，期間多次爆喊，泣不成聲！

麻醉藥敏感 內臟腫晒

原來手術後，她對麻醉藥敏感需留院，但因接了深圳的工作，狀態差仍照出院開工：「可能年紀大、身體唔好，估唔到對麻醉藥敏感，全身同內臟都腫晒，呼吸困難，醫生要我打激素同吸氧氣。」她忍不住哭訴：「我就係知身體唔好，嚟緊未必接到咁多Job、收入少，所以依家做到就做。」

自離婚後，前夫劉坤銘負責長子和次子在外國讀書的學費，而食宿及日常生活開支則由羅霖一力承擔，她說：「大仔外國學費一年9萬蚊由前夫負責，生活費同食宿係我畀，每年要五十萬，二仔都用咗百幾萬。我見前幾年收入好啲，接咗兩個仔返嚟住，想見多啲，但知嚟緊收入會少，所以同大仔二仔傾過搬返去前夫度住，我唔係唔要佢哋，我都好唔捨得，好彩佢哋都明白，日後我環境好啲會接佢哋返嚟。大仔同前夫傾過，佢話OK，之後收到佢嘅律師信，話要查番呢六年我嘅收入。幾日前去律師樓計，呢六年我用咗五百幾萬喺三個仔身上。」

羅霖不但要與大仔（左二）及二仔（右）骨肉分離，更累媽咪受委屈。	劉坤銘	昨日53歲生日的羅霖，早前獲細仔送上蛋糕預早慶祝。

被屈扮可憐 望證清白

最令她感內疚，是其78歲的媽媽，也要與她一起忍受冷言冷語，她哭着說：「為咗三個仔，自己唔食都冇所謂，連我媽都不停聽到冷言冷語，啲人話：『你個女收咗劉家咁多贍養費同珠寶首飾，仲喺度扮可憐、講大話！』我好過意唔去，好對阿媽唔住，所以我想公開六年前離婚協議內容，贍養費係零！我冇收過任何錢，唔好再單打我！不過同律師商量過，叫我最好唔好公開，怕搞大件事，會收更多律師信，亦都怕前夫唔理兩個仔，或拖慢商談進度。」