入軍校鬼上身李美琪暈低瞳孔擴大

藝人「牛雜妹」李美琪（Monnie）中學時期曾到軍校受訓，休息期間被「鬼上身」，她說：「喺六日五夜訓練裏面，接二連三發生好奇怪嘅事。每晚教官都要我哋好早熄燈瞓覺，當時咁年輕又有活力，幾個女仔就聚埋一張床傾偈，有晚我突然眼前一黑，暈咗冇晒知覺，完全唔知發生咗咩事。」
李美琪憶述中學時期入軍校受訓，曾遇怪事。
李美琪憶述中學時期入軍校受訓，曾遇怪事。

事後由同學轉述當時的恐怖狀況，她才知發生何事：「當時我感覺耳仔突然好重好重，當我擘大眼有番意識時，聽到同學一路叫『李美琪，起身啦起身啦！』佢哋話我昏睡時，個樣突然之間變咗，雙眼好似冇晒眼白，瞳孔擴到好大，好似隻貓、精靈咁，我就冇晒知覺同反應。」回港後，Monnie仍然感到不適，最終婆婆給她一道曾開光的平安符，才告冇事。

  • 放大圖片
李美琪（左二）與同學一起開操。
  • 李美琪（左二）與同學一起開操。