鄧詠雪近朱者赤貓毛變狗兵

原是貓奴的鄧詠雪，家人飼養狗仔後變為「貓狗奴」，貓貓令她的生活起變化：「我暱稱叫雪子，幾年前有套三級片《3D肉蒲團之極樂寶鑑》AV女優叫『周防雪子』，自此朋友都叫我做『周防』，養貓後，驚佢個名太普通，於是跟我姓叫『周防毛毛』，又叫『毛毛』。」

鍾意叼玩具

至於狗狗的名字亦有由來，她說：「叫做『鄧家兵』，係咪覺得個名好特別呢？因為我哋初初養佢，主要係幫手守門口，所以係我哋鄧家嘅兵，而我哋通常叫佢做『兵仔』。」

貓狗共處一室，鄧詠雪笑言「毛毛」性格竟然「狗化」：「『毛毛』好鍾意玩玩具，但佢每次都要我將啲玩具拋出去，然後佢叼過嚟畀我，之後再要我拋番畀佢，同埋鍾意玩追逐遊戲，佢追過嚟捉住我隻腳，真係十足十平時同狗仔玩咁。『毛毛』同其他貓貓好唔同，一啲都唔Cool，仲非常親近人，真係似狗多過似貓。」

周防毛毛着番件披變身恐龍。	入嚟咬我吖笨！ 周防毛毛與鄧家兵朝夕相對，成為好玩伴。	一睇周防毛毛的眼神，就知係時候開餐。

細蝦大？

布偶貓「毛毛」與都柏文「鄧家兵」相處融洽，平日不但沒針鋒相對，熱情的「鄧家兵」更會向「毛毛」獻吻，有時令對方措手不及。雖然「鄧家兵」身形龐大，不過身為大哥哥的「毛毛」未有被欺負，身手靈敏的牠更反過來壓制對方，絕對有大哥哥風範。

鄧家兵（9個月）

性別：雄性

品種：都柏文

性格：貪玩、貪食

強項：跑步

飼養年期：5個月

周防毛毛（2歲）

性別：雄性

品種：布偶

性格：好動、好奇、貪食

強項：開門

飼養年期：兩年

《巨星Pet Pet》每集均請來不同名人紅星分享與「萌寵」相處點滴，包括張秀文、葉翠翠、楊秀惠及陳婉衡等，其他藝人陸續登場，節目在東網App及東網網頁免費播放，大家可隨時隨地收看及重溫。

https://bit.ly/2Lc0T4g