溫碧霞貴州拍劇老公帶仔探班

女星溫碧霞（Irene）早前在貴州逗留了一個月，拍攝內地古裝劇《丑妃駕到》，該劇日前煞科，老公Kenny及兒子Xavier專程飛到當地陪她拍煞科戲，Irene甜絲絲說：「佢哋逗留咗3日，陪我拍完後，我再同佢哋一齊留低四處遊覽觀光。囝囝放緊暑假，佢話好想陪我拍戲，所以Kenny特登攞假帶佢飛過嚟，佢哋兩個好鍾意貴州，所以一齊四圍玩吓。我哋好少一家三口去內地玩，今次真係非常難得！」
貴州熱到爆，幸而戲服尚算透氣。
貴州熱到爆，幸而戲服尚算透氣。

此外，Irene指貴州天氣炎熱，加上要穿古裝，早前幾乎熱到中暑，發燒感冒了幾日，幸而有帶備藥物在身，導演亦讓她休息，翌日已火速痊愈。

  • 放大圖片
Irene拍完煞科戲後，孖老公及乖仔四出遊玩。
  • Irene拍完煞科戲後，孖老公及乖仔四出遊玩。