余德丞醒番嗌好彩：心臟停咗幾長時間！
28歲無綫藝人余德丞（Dickson）於8月8日晚上踢波期間突然昏迷，送院後情況一度危殆，幸經過一番搶救，終於脫離危險期。昨日，他透過big big channel首度開腔報平安，說話清晰、聲線如往常一樣，精神狀態亦相當好。除了慶幸能甦醒外，他亦感激各界支持：「咁多位大家好，我覺得我今次真係好好彩，可以大步檻過醒得番，再同你哋講嘢，衷心多謝全香港每一位嘅關心、問候、祝福同集氣，令我能夠醒得番，所以真係好衷心咁多謝你哋。」
「精神好多、講嘢清楚咗」
Dickson又直言甦醒後才知道自己的情況很嚴重，可算是從生死關口中走出來：「因為我昏迷嘅時候，個心都停咗一段幾長嘅時間，能夠起得番身，真係好好彩！」現於醫院休養的他自言正慢慢康復中：「依家精神咗好多，講嘢都清楚咗。當然醫生都建議我要留院多一段時間，Check清楚身體係咪真係OK，先可以出院。最後，我要多謝醫院上上下下嘅醫護人員嘅悉心照顧，同埋喺關鍵時候幫我做心肺復甦嘅足球隊隊友，屋企人每日都嚟支持我、整嘢畀我食，仲有TVB上上下下好同事，咁多位傳媒朋友，冇咗你哋邊個都唔得，所以我希望可以快啲出院，同大家見面，有咩新消息我再通知你哋，記住身體健康最緊要。」
留言感謝各界支持
除了開腔講感受，Dickson昨日亦在社交網留言感謝大家支持。早前曾於鄧佩儀照片留言、盛讚對方拿着的珍珠奶茶「Super Good」的他，直言希望快些出院食餐好，再次飲至愛的珍珠奶茶。