趙勁皓唔見70幾萬

娛圈近日傳出電影《陰陽路》編劇劉孝偉捲入一宗金錢糾紛案，藝人趙勁皓自爆亦是「苦主」之一，他昨日在電話中說：「我係朋友介紹識得劉孝偉，佢話集資500萬拍慈善電影《告別之前》，拍完會畀番本金我，所以攞咗七十幾萬出嚟投資，點知有人自去年12月5日試映後就『失蹤』，朋友幫我去佢公司了解，發現已人去樓空，亦搵過佢外父，同樣不得要領，佢太太台灣嘅地址係假嘅，最慘係我有介紹朋友一齊投資，依家真係唔好意思。」他又謂發現身邊有很多相同遭遇的苦主。而身為《告》片出品人的王祖藍則謂：「當初劉孝偉話做慈善叫我幫手，但我就冇金錢損失。」至於片中兩位女演員李靖筠及談善言表示已收足片酬，但李靖筠補充，去年有警方聯絡她查問此事。