47歲鍾麗緹試人工受孕誓幫張倫碩生B

經歷兩段失敗婚姻、身為三女之母的鍾麗緹，2016年下嫁年輕12歲的張倫碩後，一直多次揚言想再生B。她曾表示戒生冷食物來保護子宮外，在造人方面亦極多「花臣」，並毫無忌諱經常公開閨房樂，包括曾玩制服誘惑，以性感女僕打扮，突然現身老公下榻的酒店送驚喜，而張倫碩亦試過玩全裸等太太收工作「回禮」。

努力兩年仍未有成果，今年5月鍾麗緹被拍得現身醫院的婦產科，加上35C魔鬼身材頓變「大媽」，被網民批評經常提倡多做運動，但原來講一套做一套！直至昨日，她在社交網發文自爆積極「備孕」半年，現嘗試接受試管嬰兒（即人工受孕），但因藥物影響身形：「我婚後生活的確很幸福，但不至於是自己不注意胡吃海塞的幸福肥，當然我也還沒懷孕，但我期盼懷孕。一直以來我和我的丈夫都想有一個屬於我們兩個的健康寶寶，無論性別是男是女，我相信都是老天爺賜給我的禮物。」

怕被誤解冇運動

她續指嘗試人工受孕後，更明白做母親的確不易：「對於我身體條件來說，不得不承認，並沒有想像的那麼容易。我其實已經備孕半年了，可能因為藥物影響了賀爾蒙或者內分泌的問題，身體會有一些變化，但並不是你們所看到的表象，鍾麗緹因生活無節制，對自己無要求而變老變胖了。」

昨日她接受電話訪問時表示，於美國接受人工受孕，又指為了造人成功，嚴控飲食：「我咩方法都有試，食中藥、針灸、艾灸等，每日放鬆心情同做90分鐘運動。飲食方面會食蛋白粉、維他命D、月見草、海參、阿膠等，至於芝士、奶、甜品同辣嘢，甚至濕氣重嘅生果例如牛油果同香蕉全部都唔會食。」

諗過搵代母

她強調想再生B，並非因老公是獨子而有繼後香燈的想法，純粹是她非常喜歡小孩：「我個細女都八歲啦，多一個小朋友更開心。生仔或生女冇所謂，唔會話專食啲乜嘢容易生仔或女，仔女都一樣鍾意。我明白BB係上天所賜嘅禮物，如果上天唔畀都有原因。（如果人工受孕失敗，考慮搵代母？）我哋有諗過，但醫生同我哋都覺得自己生好啲。」

鍾麗緹樂觀積極，全因張倫碩給予無限的支持和關愛。她說：「呢輪畀人話我肥，老公做好多嘢捍衞我，佢話唔理我係肥定瘦，只要我鍾意就得。佢成日氹我錫我，又會叫我早啲瞓，好似之前個抽血報告出咗，要盡快去美國，佢即刻幫我執晒行李。」她又稱稍後會到台灣拍戲數日，本來已推掉，但導演多次力邀，並答允讓她有充足時間休息。