方力申拍拖重色輕友
藝人方力申昨晚出席晚宴活動，他稱早上返了泳會教學生游水，已連續26日都有教：「好多家長都因為我當年游水嘅背景同我嘅名，而嚟我學校學游水。（有點名你教？）又冇呢樣嘢，我返到泳會每班都教15分鐘，畀佢哋知我唔係為咗好似開多個地盤搵錢。開咗兩個月有二百幾個學生，比第一個月已經蝕少一半，仲未回本，要更加勤力啲。」
講到是否以工作填補空虛心靈？他連聲說：「係呀！係呀！（有冇家長介紹女仔你識？）冇喎！但好多家長話對我改觀晒，話以前以為我口花又花弗，但見我池邊教水原來咁認真。」他亦抵死說：「不過我都講定我將來如果有拖拍會重色輕友，美色行先，就會返少啲學校。」另外，朱玲玲和葉蒨文亦結伴現身晚宴，但未有接受訪問。