吳鎮宇舊患發作撐拐杖
影星吳鎮宇、黃德斌、胡定欣及導演陳詠燊昨日到鑽石山出席室內龍舟競賽活動，鎮宇撐着拐杖到場，他表示腳傷是舊患發作，多年前台慶表演蒙眼穿圈跌親受傷，每隔幾年便會復發一次。
講到主演電影票房已達600萬元，鎮宇說：「希望每場場次都爆，香港人應該支持番自己電影，我唔贊成已經冇咗港產片呢個說法，只要拍畀港人睇就係港產片。（會繼續謝票？）會呀！希望票房得到對等價值，唔係得賀歲片先好收，其實院線做生意都係睇幾多空置率，我反而唔想開咁多場，希望每一場都見紅，做到暑假後繼續上，咁就改變院線上映模式。」早前票房過500萬，有份演出的胡子彤晒騷肌照，鎮宇笑對方50蚊也會騷，他又說：「收一千萬就到我，我有練開o架！」