趙詠瑤被影底底反遭罵博出位

參加ViuTV選美而入行，並和沙律合體出寫真大晒32D人妻身材的Kimi，昨日凌晨在社交網狂呻，指和老公在觀塘一個商場閒逛時，懷疑被一名男子偷拍「底底」，當時雖冇報警，但她以手機拍下對方容貌，並把相片上載至Facebook群組，呼籲網民「人肉搜尋」，但卻被狂轟指她冇真憑實據就公開對方的相片，拍照時未獲對方同意，認為她不要「恃靚行兇」冤枉人外，又反問她為何不當場報警等，令她怒不可遏！

反擊：受害人仲要畀人鬧？

Kimi在社交網留言：「第一次覺得香港係一個咁醜惡嘅地方，畀人偷拍影底底，冇勇氣立即去捉佢只係影咗佢個樣，之後諗住如果佢再影就捉住佢，點知佢已經走了，得一張相喺手嘅我只可以send出嚟，等大家幫我搵呢個人出嚟，但結果呢？係換嚟一班價值觀已扭曲嘅人話我博上位、以為自己好靚呀！個男人畀人公審真係慘！去報警又唔受理，幾時開始，香港變到受害人仲要畀人鬧？壞人就可以逍遙法外！」

昨日Kimi指警方不受理，除非有影片作證，故她打算返回事發的店舖詢問。惟至昨晚八時許她再度留言，指未能取得有關影片：「呢個社會荒謬事太多，正義太少先會有今日嘅事，因為嗰吓太驚冇立即捉住佢，之後去報警，警察又唔理話要有CCTV先得，但商場冇報案紙又點會畀CCTV我吖？反正我只係想女孩子提防，大家做女仔真係要小心！」