如果乜都食……余香凝：腫到隻豬！
藝人余香凝和林嘉華昨晨出席電影優先場活動，身形多年來保持得甚弗的嘉華笑說：「我冇刻意嘅，亦都冇做運動，只係喺飲食方面比較注意，平時只會食七分飽，咁多年身形轉變唔大，慳番唔少置裝費。」
身旁的余香凝大表羨慕：「如果我乜都食嘅話實腫到隻豬，尤其食得太鹹，第二日拍戲會好腫。」嘉華則指第一日見她開工時都不肥，她即說：「因為演學生角色，可以係咁食，想肥少少有Baby Fat感覺，所以拍得好開心。」她透露之前往美國紐約，因不停食芝士和漢堡包，結果肥了很多，是否因為情變不快而食多了？她表示開不開心都鍾意食。