森美泰國貨倉撞到正 詭異女聲：我知你睇到我！

森美分享他經歷的鬼故事，少啲膽量都唔敢睇！他多年前去泰國參觀一家二手傢俬店，店主載他到荒郊的貨倉，他已感覺陰森：「行行吓見到角落有手術床同手術燈，原來係以前醫院丟出嚟。見到有個女仔坐喺手術床，我心入面驚一驚，點會無端端有人坐喺度？」他惟有當睇唔到，行去另一個放滿舊衣櫃的貨倉：「喺衣櫃頂我又見到頭先嗰個女仔坐喺度望住我，我心諗死啦，佢冇理由咁快去到嗰度，應該有啲古怪，我即刻同店主話冇嘢啱要走啦。我避開個女仔嗰邊，但佢喺另一邊又出現。我一路避開佢視線，點知突然有陣風吹過，有把女聲喺我耳邊講：『我知你睇到我o架，你唔使避啦……』」