慳到「貼地」！「新秀小花」硬拉朋友食平啲

「新秀小花」當年憑歌唱比賽入行，加入樂壇多年以嚟，一直好畀心機力爭上游，仲做埋網絡歌手吸納粉絲，近日仲有機會去內地發展，參加選秀節目，事業開始有成績。雖然收入多咗，但「小花」平時日常生活依然好踏實同簡樸，有次做完演出，佢同男友人去鄰近商場開餐，貴為歌手但依然相當節儉，對任何消費高過100蚊嘅餐廳一概睇唔上眼，搞到男友人都有微言。兩個人爭論咗數分鐘，終於決定去西式快餐店食飯，人均埋單唔使60蚊，實行「慳得一蚊得一蚊」。