麥家瑜出道十年冇人識酸 陸詩韻情路「鱷魚頭」蠢
歌手麥家瑜近日推出講述姊妹情的新歌《終生女友》，日前與閨蜜陸詩韻齊齊亮相東網巨星節目，大騷演技挑戰各個情景題，並剖白感情及事業上的辛酸，期間麥家瑜感觸落淚。
麥家瑜（Keeva）與陸詩韻（Sharon）接受東網巨星節目主持俞詠文（Angela）訪問，應要求向對方提出尖銳問題，提到Sharon經常被男士欺騙感情時，她笑言既是遇人不淑亦是自己眼光差：「我好老實嘅，都曾經公開講過我係『鱷魚頭老襯底』，你見到我咁『鱷魚』嘅樣，但偏偏係好感情用事，所以識朋友第一時間都係憑感覺，奈何真係遇人不淑。」但亦慶幸曾有這些經歷，令自己成長。
出走爆喊：對阿媽唔住
至於Keeva被指出道十年知名度欠奉，她坦言曾為此心灰意冷：「其實真係有灰心嘅，始終已經十年，啲人都認唔出你。但有樣嘢好搞笑，係佢哋識歌唔識人，所以我要努力啲等佢哋記得我個樣。」她續指入行後一直令媽媽擔心，自己曾因失意出走外地，講到想向媽媽道歉時，更激動落淚：「我唔開心，驚佢哋擔心。我試過失蹤，佢哋周圍搵我，媽媽甚至緊張到要我買機票即刻返，所以我覺得自己真係好錯。」
https://bit.ly/2KTAAQ1