朱晨麗頻接電話騷擾憂人身安全

無綫劇集《特技人》演員譚俊彥、朱晨麗、傅嘉莉、楊玉梅、白雲和李君妍等，昨日在九龍灣一間健身中心接受拳擊及瑜伽訓練，部分男演員剝衫騷肌，相反女士着得密實。

籲友勿Share電話

朱晨麗自爆收到騷擾電話：「最近收到幾十個用唔同號碼、喺唔同地方打嚟嘅騷擾電話同短訊，唔知係咪同一個人，佢話係朋友介紹，唔知乜嘢目的，佢想同我通電話，我叫佢Send張相過嚟，佢就冇反應。」又表示試過封鎖來電，可是不成功。雖然暫時不打算報警，但她擔心是詐騙電話及安全問題，更驚對方搵上門：「藝人私隱好重要，如果知我電話嘅朋友，唔好隨便Share畀人。」

同場的譚俊彥指最近劇情講到父子情，令觀眾有共鳴，問到有沒有讓仔女睇劇？他指沒有，但透露有廣告商邀他父女檔拍廣告，惟暫沒此打算。對於與仔女拍劇或真人騷，他更耍手擰頭：「唔好喇，好辛苦，同埋我都已經被人講咩都係我阿爸（狄龍），我唔想佢哋係咁。」

旅行飛甩狄龍

他又笑指月底會飛甩老竇去旅行：「我阿爸、阿媽梗係想騎劫我個女啦，但今次想一家四口去陽光與海灘旅行。」並承諾若劇集收視好，不介意祼跑甚至裸泳答謝觀眾。

譚俊彥孭起朱晨麗，毫無難度！	傅嘉莉接受拳擊挑戰。	白雲玩到撻落地。