黃雨拍槍戰古仔着冬裝防蚊
影星古天樂、龔慈恩女兒林愷鈴、蔡穎恩、馬志威及樂隊Supper Moment等昨晚到尖沙咀出席品牌活動，古仔以一身型格西裝現身，但見有幾聲咳，他說：「呢幾日都拍戲，又落雨，現場又多蚊，見工作人員係咁（抓），都戥佢哋擔心，我就着冬天衫，啲蚊針我唔到。（唔怕中暑？）寧願中暑都唔想登革熱，今日又黃雨喇！我哋拍緊槍戰戲，又要跑。（有咩防蚊妙法？）最好包埋個頭啦！冇得防o架！」
另外，提到古仔主演的劇集《刑事偵緝檔案4》近日重播成為話題，加上早前簽下劇中兩位拍檔佘詩曼與宣萱，有網民提議可開拍電影版，古仔說：「版權喺TVB度，或者你哋反映吓，佢哋就籌備緊《使徒行者》。（你有興趣拍？）等佢哋公布。（幾耐冇拍劇？）18年，拍攝時間長頂唔順，但依家電影都要日日拍，有好劇本都可以。」
