庄嘉慧復出雙手滿紅印
早前跌傷膝蓋需縫針的候選港姐庄嘉慧出現藥物敏感而多次缺席活動，昨日她終於「復出」，但雙手還有不少敏感紅點，她解釋仍需服用類固醇治療，但有信心比賽當晚會回復白雪雪皮膚着泳衣。
《2018香港小姐競選 》二十位候選佳麗，昨日終於齊人在將軍澳電視城接受星級導師名模馬詩慧儀態訓練。(2)庄嘉慧 （Kathy）早前跌傷縫針後打抗生素出現「後遺症」，皮膚敏感如出風瘌一樣，因而多次缺席活動。雖然終於歸隊，但她雙手還有不少敏感紅印，她表示已逐漸痊愈，問到缺席可擔心影響參賽？她說：「唔擔心，亦冇諗過退選，參選最重要係過程，只係覺得少咗好多回憶，唔擔心少咗畀人認識嘅機會，相信去到26日（比賽）着泳衣，大家會見番白雪雪嘅Kathy。」
何泳芍搭巴士都要靚
而昨日上午，眾佳麗還接受莫文蔚媽媽莫何敏儀的禮儀訓練，(14)何泳芍 （Honey）說：「莫媽媽教我哋就算搭巴士都要有儀態，側側哋身上車線條會靚好多，亦糾正我哋餐桌禮儀，以前好做作中西餐都向外舀湯，原來西餐就湯匙向外，中餐就向內。」身為潛水教練的她曾做水底模特兒，但笑言出了水就不懂，要向馬詩慧請教。
丁子田母女檔Catwalk
(17)陳曉華（Hera）最想跟馬詩慧學習優雅步姿，大讚對方有氣質。(7)丁子田自爆小時候希望做模特兒，笑言會與媽媽在屋企行Catwalk。
馬詩慧指會教佳麗基本儀態，希望她們行路或在台上表現得更好。問到女兒有否想過選港姐？她說：「冇，佢哋鍾意做model多啲，同埋做港姐要全面啲，佢哋冇咁嘅Talent。」