吳嘉熙：覺得自己好淫蕩！

吳嘉熙

Super Girls成員Cheronna向來在女仔堆中工作，今次被眾仔包圍，她直言要多謝幾位「大哥哥」，令第一次拍ViuTV劇集的她獲益不少。講到劇中有不少艷遇，男神王宗堯更是她的兵，王宗堯說：「佢傾國傾城，佢嘅美色令身邊人都為佢犧牲。」Cheronna聞言即笑說意想不到：「好驚訝！原來我都有美色！」問到跟誰有親熱戲？Cheronna呆了一呆，陸駿光笑說：「你同我同宗堯都分別Kiss過一次！」Cheronna即笑說：「我覺得自己好淫蕩呀！」

講到跟陸駿光的咀戲，原來Cheronna男友「夏雨仔」黃奕晨亦有探班，但完全唔肉緊，去了跟好友駱振偉吹水，反而陸駿光勁緊張：「佢哋唔緊張，但我就好驚呀！係咁交代，我冇其他意思呀，我結咗婚o架喇。」

唔慣做絕世好兵

向來是男神的宗堯飾演「絕世好兵」，不停為Cheronna付出，他直言相當困難：「好難有人為感情付出咁多，我就捉住呢樣性格去做，其實好難說服自己，覺得個角色好蠢！如果身邊有朋友係咁，一定鬧爆佢。」

王宗堯（左起）、吳嘉熙和陸駿光上演錯綜複雜的感情關係。

王宗堯笑言角色好蠢，很難說服自己。