黎瑞恩昨日於會展為最新Hi-Fi碟《感動 Vtouch》舉行分享會，她表示新碟特意配合展期製作，不過自言沒有收藏音響：「我冇呢個時間坐喺度慢慢聽，又冇乜耐性，鍾意喺車入面聽，所以架車啲音響都幾好聲o架！（開車時會聽自己嘅歌？）除咗新碟或啱啱錄好嘅新歌會成日聽之外，其他都唔會，再聽會起雞皮，同埋聽到不足。」問到哪首歌錄音時間最長？她自爆是經典歌《發誓》，通宵錄了13個鐘，笑言搞到媽媽上錄音室搵女：「阿媽上嚟見到我企喺支咪前瞓着咗。」