陳凱琳峇里歎早餐 等嫁嘉穎！

藝人陳凱琳與鄭嘉穎明日在峇里Bulgari Resort Bali酒店舉行婚禮，自爆出婚期後他倆一直未有露面，而Grace的父母於昨晨十時許抵達機場，出發飛峇里。

準外母興奮透Bra

準外父、外母甫現身即「四萬咁口」笑容燦爛，風騷揮手又擺手勢，陳母更被閃到透Bra！陳父透露一對新人已飛抵當地，問會否不捨女兒出嫁？他說：「嫁咗都會喺度o架嘛。（未來女婿值幾分？）一定係100分，唔係100分都唔畀個女嫁！」又指不擔心地震。

問到婚禮安排，陳父一概表示不知情：「全部係佢哋安排，唔到我哋話事，我係被動。」當被問到「有乜係知道」，他笑笑口說：「我真係冇乜嘢知！」有指一對新人將在加拿大補擺婚禮，他否認說：「香港（會唔會擺）都唔知。」而陳母被問到會否擔心地震影響婚禮，她面露難色，卻說：「都唔擔心嘅。」

指甲鉗入鏡搶Fo

父母的行蹤曝光後，Grace隨即在社交網貼上二人份早餐照，同時報平安，不過，表明已身在峇里的她就未有在照片中出鏡，而餐墊上意外入鏡的指甲鉗就成為「口痕友」的焦點。

鄭嘉穎、陳凱琳	陳凱琳上載二人份早餐，但左上角的指甲鉗成為焦點。	陳凱琳父母昨日出發，陳母笑得燦爛，還風騷透Bra。