歌手JW（王灝兒）昨日出席環保活動，她透露最近跟「大軍」程東拍榴槤月餅廣告，心情緊張：「佢好有氣場，拍嗰時我要係咁遞月餅畀佢食，順便又向佢偷師。」講到最近被影到與男友葉韋彤（Tarzan）及男友人行街時，疑男友只顧跟「電燈膽」吹水，被冷落的她面黑黑，她大笑解畫：「我哋冇嗌交，佢公司間房要裝修，我哋去買新喇叭，喺入面好陶醉咁聽，之後去睇戲，好開心！」問到食飯時為何不坐男友身旁？她冧爆說：「梗係坐對面啦！如果唔係，點睇住佢個樣食嘢呀？」
