鍾浠文食老本「呃得吓人」
模特兒鍾浠文早前應邀到歐洲出席活動，在羅馬一個小島沙灘上做瑜伽，是她第一次在戶外玩。由於正值中午，太陽最猛烈，她笑說：「我惟有用頭巾包住個頭，驚曬到醜樣，我本身皮膚好白，唔係驚曬黑，係好驚出斑。」
最近她嘗試玩空中瑜伽，卻自爆不愛做運動：「好多人以為我做瑜伽好叻，其實係我讀書時有跳芭蕾舞、古典舞，筋骨比較軟，食老本呃得吓人。」身形弗爆的她食極唔肥，但嗜辣及重口味，令她變得浮腫：「啲人唔知咪以為我肥，因為係由細到大嘅飲食習慣，好難改，所以一工作就諗辦法解決，兩、三日前會停食重口味嘅嘢，甚至食少啲嚟調整。」