苟芸慧10．19嫁陸漢洋擺足2日酒
苟芸慧宣布於10月19日在港與男友陸漢洋簽字結婚，她指婚禮會分兩日舉行，共邀請約四百多名親友，又笑言未來老公相當醒目，已決定取消玩新郎環節。
藝人苟芸慧即將下嫁賽車手男友陸漢洋，昨日她出席護膚品牌活動，透露將於10月19日在上水雙魚河鄉村會所註冊，並舉行酒會：「婚禮會分兩日舉行，至於第二日喺邊搞就未決定。每日邀請大約二百名嘉賓，第一日下午簽字同邀請我哋嘅朋友同同事，第二日就係邀請親戚。」她透露由老公負責揀日子，並笑說：「因為佢比較傳統，睇通勝擇咗個好日子。」
王君馨做姊妹 鍾嘉欣唔到
她透露姊妹團包括前「處女黨」成員岑麗香、王君馨和李亞男等，問到鍾嘉欣會否出席？她說：「佢生完小朋友要休息，應該唔會嚟。」問到姊妹團是否已準備玩新郎遊戲？她笑說：「佢（陸漢洋）好醒目，取消咗呢個環節，但已經準備晒大利是畀兄弟姊妹！」至於會否搞Bridal Shower？她表示原本打算在外地旅行時搞，但要視乎大肚婆李亞男的狀況而決定地點，因不想對方舟車勞頓。
同場的歌手謝安琪表示與新老闆麥浚龍合作愉快，即將推出新碟，所有構思及籌備均由對方一手包辦。而古天樂被問到有否興趣執導開戲？他坦言當導演是門學問：「如果真係做要多啲時間休息，去寫劇本。」
