愛心女神陳海淇愛獨遊惹三男窮追
「愛心女神」模特兒陳海淇（Suzuki）寓工作於慈善，經常參與本地多個義工活動，認真愛心爆棚！她更表示曾衝出香港，到柬埔寨、蒙古進行探訪活動：「柬埔寨嗰次係帶住一班小朋友去海灘玩、去機場睇飛機，對於佢哋嚟講唔係成日都有得去，係好開心！」至於蒙古的探訪活動，她入住當地家庭的帳幕屋數天，驚見同住小朋友不慌不亂為她趕手惡蛇：「佢哋係唔驚，仲會徒手拎起條蛇丟開，如果喺香港見到，我應該走到好遠！」她又透露將會參加一個選美比賽，而吸引她參與的原因正是比賽期間的山區探訪兒童活動。
衝入士多避劫
熱愛旅遊的Suzuki亦曾試過「背包旅行」，獨自往台灣、紐約各半年時間，自爆於美國旅程曾被三個大男人追趕：「嗰時條街得我一個人，撳緊電話搵路行，就有三個高過我成個頭嘅男仔，好似想搶我部電話，先過嚟同我傾偈再問我借電話，我一話唔得，佢哋就追住我，後尾見到前面有間士多就衝咗入去，即刻打畀家姐求救，見嗰三個男人都喺士多出面徘徊咗大半個鐘！」成功「逃出生天」的Suzuki大叫幸運，不過此驚險遭遇仍未有減退她往後獨遊的興致。
Profile
三圍︰34B、26、38
體重︰50kg
身高︰1米70
興趣︰做義工、旅遊