否認劈腿蘇可欣：3年冇拍拖！

前港姐、無綫娛樂台主播蘇可欣因拍攝節目《3日2夜》彈出，之前被指因與《出貓特攻隊》泰國演員Nonkul（賓爺）做訪問而大玩「姊弟戀」，昨日就有讀者爆料，指蘇可欣有個拍拖多年的韓裔男友Jeffery，他更為她搬到將軍澳。惟「姊弟戀」爆出，Jeffery才知自己「被分手」，有人一腳踏兩船！
咁索！蘇可欣應該大把人追。
咁索！蘇可欣應該大把人追。

蘇可欣受訪時坦言與Nonkul只是朋友，問到「被分手」的Jeffery時，她表示雙方認識十年，對上一次見已經是年幾前，對方亦冇可能為她搬屋：「我哋冇拍過拖，佢亦冇追過我，兩日前佢都打畀我，話有記者問佢呢件事，大家都覺得好怪！（依家有冇拍拖？）其實我拍拖以來未試過同人同居，我已經三年冇拍拖，對上一個男友都已經有家庭。」對於被指一腳踏兩船，大感莫名其妙。

蘇可欣與Nonkul玩姊弟戀？
  • 蘇可欣與Nonkul玩姊弟戀？
蘇可欣表示冇同Jeffery拍過拖。
  • 蘇可欣表示冇同Jeffery拍過拖。