柳妍熙成副身家圓校長夢

31歲的柳妍熙（Shay）諗頭多多，由運動員轉型做歌手，最近更宣布進軍商界及教育界，與拍檔合資過千萬，成立以她命名的「SL國際藝人練習生統訓學院」，培養娛樂圈明日之星！她透露其實2014年剛出道時已有此想法，但直至今年才成事：「我好鍾意小朋友，亦知道好多小朋友都鍾意唱歌跳舞，所以想搭建一個平台，令佢哋有機會實現夢想，亦圓咗我嘅心願。」榮升「校長」的她透露投資了7位數字，笑言是「成副身家」：「希望用好多心思做好呢間學校。（覺得投資好大？）我係豁出去o架啦，依家藝人都需要多元化發展。」

邀請猛料導師

Shay表示學院擁有頂級師資團隊，其中兩位是曾跟不同巨星合作的台灣導師，分別是聲樂老師陳品穎及跳舞老師林群哲，她說：「我哋學院設計咗唔同課程，每個課程都會邀請唔同藝人做分享，當然希望請到同嗰班導師合作過嘅藝人，包括周杰倫、蔡依林、田馥甄、林俊傑、蘇永康、林憶蓮等。」

夏令營打頭炮

學院第一擊是8月中舉行為期一周的夏令營，招募6至24歲喜歡表演的小朋友至青少年參加，當中他們每日都會接受唱歌、跳舞、面對媒體等密集訓練，讓他們體驗做藝人的滋味。而Shay亦找了湖南衞視合作，其中節目《寶仔FAN》會來港拍攝夏令營的片段，到時她會做節目第一期的明星分享嘉賓，又預告將有一位香港男藝人以神秘嘉賓身份與她一起現身。而講到首先在香港建校，她表示因為對香港有情意結，希望之後可以進軍內地。

曾有年輕人想入行而被騙財，柳妍熙希望打開正確的入門之路。	柳妍熙期望邀請蔡依林、蘇永康等藝人分享心得。	蔡依林

髮型：Jacky Tsui@Hip Hair Culture

服裝：maje

場地：1935壹玖叁