陳康琪鹽焗雞翼快靚正開飯

東網巨星節目《星級煮意》新一集請來跳唱組合Bingo成員陳康琪(Odilia)示範其至愛「鹽焗雞翼飯」,甚少入廚的她自爆是「雞翼控」,試過一餐飯食足10隻雞翼,喜歡芝士類菜式的她更不擔心食到肥!

Odilia教大家製作既簡單方便、味道又可口的「鹽焗雞翼飯」,適合務求方便快捷人士,她選擇示範煮雞翼,原因好簡單,因愛食雞翼達到無雞翼不歡境界,親友都知道餐餐要有雞翼:「有次去個朋友屋企食飯,佢知道我鍾意食雞翼,就煮咗一碟雞翼畀我,簡直係好食到不得了,我一次過食咗10隻,在座朋友都覺得好誇張。」

唔怕芝士食肥人

每次入廚,雞翼都是必定食材,煎雞翼更是常用煮法,Odilia自誇煎雞翼快、靚、正。除此之外,她亦愛食芝士:「成日會將芝士放入唔同嘅菜式,其實芝士分好多種,我會買唔同芝士去配搭麵包同意粉,整出嚟嘅口感都唔同,但每一種我都好鍾意,雖然話芝士容易令人肥,但我絕對唔怕!」

「劇界廚神」梁祖堯點評Odilia的「鹽焗雞翼飯」,直言撇除簡單快捷,煮法不算是「鹽焗雞翼飯」,建議用鹽和胡椒粉醃雞翼,及應放入焗爐,更提供方法可令煮出來的飯更有飯香。

材料:雞翼

鹽焗雞粉

步驟:

1.雞翼解凍後瀝乾

2.灑鹽焗雞粉醃雞翼10至15分鐘

3.電飯煲煲飯時放入雞翼,飯熟便完成

《星級煮意》先後有超過六十位名人紅星登場示範不同菜式,每集均有名廚提供煮食心得及貼士,大家可透過東網巨星App及東網網頁收看及重溫。

https://bit.ly/2KkPeQe