草蜢搞特訓抬起蘇麗珊
草蜢昨日為8月的廣州演唱會進行綵排，跳唱《三分鐘放縱》，獲師妹蘇麗珊送蛋糕及自製朱古力布朗尼打氣。另一師妹「西瓜」則送西瓜特飲，草蜢禮尚往來，送上演唱會T恤及DVD作回禮，又幫她們「特訓」舞步，蘇麗珊更被男舞蹈員打橫抬高。
草蜢指新巡唱的內容及歌衫與去年不同，又指公司不惜工本在廣州演唱會搭建四面台，他們現時每日排練最少8小時。問到何時回港開騷？他們說：「最快出年，但都未必，因為我哋今次Tour有排走。」問到屆時會否請兩位師妹做嘉賓？草蜢笑說：「考慮囉，但頭先佢哋好唔穩陣，希望佢哋練吓先。（到時會唔會有嘉賓？）暫時保密。」