江若琳被指小三 蕭潤邦爆前度問點算好？
藝人江若琳（Elanne）今年12月便與男友「生煎包王」蕭潤邦（Oscar）結婚，但昨日有消息指Oscar原有一個拍拖4年半的女友Charmaine，並計劃在2017年結婚，可惜婚前旅行期間發生爭拗而令婚事告吹。有指冷戰期間，Charmaine被人乘虛而入，故失去男友。
護愛：分手大半年再拍拖
Oscar昨日接受訪問表示已跟Charmaine聯絡：「佢有WhatsApp我話啲相同對話截圖係放喺ig度，唔知點解畀人攞咗，問我點算好。我就叫佢小心處理好自己喺社交網嘅相囉。」經了解後，他相信是有人斷章取義，前度對Elanne並沒惡意。問Elanne有否為此生氣？他說：「佢有唔開心，唔知點解會咁樣」
他亦在社交網發文否認Elanne是小三：「如果同前女友分手大半年再拍拖，而現在女友咁都算係小三的話，咁要計埋我前前前女友…我現女友已經唔係小三咁少了。」並強調一定會好好保護江若琳。