黃致豪的外母最近因病離世，眼腫腫的他說：「外母好後生未夠六十歲，好唔捨得佢，依家要陪住老婆，媽咪好錫我太太，我一定會多啲愛錫太太。（太太情緒唔好？）係呀，我都眼腫腫，見到佢唔開心，我都唔開心，需要啲時間，依家辦理緊後事，好混亂。（停工陪太太？）好彩呢排唔使開劇，都係來來往往醫院，嚟緊要收拾心情工作，要照顧屋企，加把勁工作。（外母有咩心願？）佢愛錫個女多過自己，好偉大，我諗佢都希望我好愛錫佢個女，我相信會做到。」
