田蕊妮被吳業坤跣鑊甘

兩人將推出合唱歌，阿田笑言今次合作是被吳業坤「老點」：「佢話係Wyman（黃偉文）提議我哋合唱，我心諗Wyman提議得梗係好，但事後我發現係吳業坤提議。佢仲笑笑口問我係咪好後悔，有冇覺得賴嘢，我喺呢行算有經驗，畀佢兜口兜面咁跣咗一鑊。」吳業坤解釋Wyman問他有否對象可以擺上枱，即想起阿田，又指兩人會拍MV，但不敢安排親熱戲。同場「靚聲王」張偉文因受腰患困擾而要用拐杖走路，他稱9月的演唱會也要坐住唱。